न्युजिल्याण्डमा कार दुर्घटनामा परेर एक नेपालीको ज्यान गएको छ । साउथ आईल्याण्डको एक डेरी फार्ममा कार्यरत दिलिप दराईको विन्टनमा दुर्घटना परि मृत्यु भएको हो । उनि सँगै कारमा सवार अन्य ३ जना घाईते भएका छन् । मृतक दिलिपकी श्रीमती पनि दुर्घटनामा परि घाईते भएकी छिन् ।
उनको डुनेडिन अस्पतालमा उपचार भईरहेको छ । दुई जनालाई तत्काल हेलिकप्टर मार्फत उद्दार गरेर डुनेडिन लगिएको थियो । घाईते एक जनालाई भने उपचार पछि डिस्चार्ज गरिएको छ । जनवरी २४ तारिकका दिन लोसार मनाएर फर्किने क्रममा उनीहरु सवार कार दुर्घटनामा परेको थियो । कार र ट्याँकर ठोक्किदा ठुलो दुर्घटना भएको थियो ।
नेपाल स्थित परिवारका सदस्यले मृतकको शव नेपाल झिकाउन आग्रह गरेपछि उनको शव नेपाल पठाउन पहल सुरु गरिएको न्युजिल्याण्डका लागि नेपाली वाणिज्य दुत आत्मराम खनालले जानकारी दिनु भयो ।
उता मृतक दिलिप कार्यरत रहेको डेरी फार्म र उनलाई काम लगाईदिने Recruitment Agency The regions ले उनको शव नेपाल पठाउन सहयोग संकलन सुरु गरेको छ । Give a Little पेज मार्फत The regions ले सहयोग संकलन थालेको हो । The regions ले दराईको शव नेपाल पठाउन ५ हजार न्युजिल्याण्ड डलर समेत सहयोग गरेको छ ।
Comments